बदलापुरात पाच दिवस बदलापूर महोत्सवाचे आयोजन

बदलापूर दि. १३ प्रतिनिधी :- शिवसेना शहर शाखा व शिवभक्त प्रतिष्ठान यांच्या संयुक्त विद्यमाने शिवसेनेचे शहर प्रमुख आणि माजी नगराध्यक्ष वामन म्हात्रे यांनी शुक्रवार १४ फेब्रुवारी ते मंगळवार १८ फेब्रुवारी दरम्यान बदलापर महोत्सवाचे आयोजन केले आहे. जातीपातीच्या पलीकडे जाऊन शहरातील ज _ सांस्कृतिक चळवळीला चालना देण्यासाठी सर्वांनी एकत्र येऊन एका चांगल्या सांस्कृतिक कार्यक्रमाच्या माध्यमातून शहरवासीयांना सांस्कृतिक मेजवानी मिळावी यासाठी या महोत्सवाचे दरवर्षी आयोजन करण्यात येते. सर्व बदलापूरकरांनी या महोत्सवाला उपस्थिती लावावी असे आवाहन आयोजक वामन म्हात्रे यांनी केले आहे. बदलापूर महोत्सवाचे उद्घाटन १४ फेब्रुवारी रोजी पाणीपरवठा मंत्री गुलाबराव देवकर यांच्या हस्ते होणार असून या दिवशी नंदेश उमप यांच्या मी मराठी या मराठी गितांचा बहारदार कार्यक्रम बदलापूरकरांना अनुभवता येणार आहे. तारका लावणी या कार्यक्रमाने कार्यक्रमाचे आयोजन १५ फेब्रुवारी रोजी करण्यात आले आहे. रविवारी १६ फेब्रुवारी रोजी बॉलिवूड नाइट्स या कार्यक्रमाचे आयोजन करण्यात आले आहे. १७ फेब्रुवारी रोजी मन मंदिरा या झी टॉकीज फेम भक्ती संगीत कार्यक्रमाचे आयोजन करण्यात आले आहे. तर हवा येऊ द्याठ, 'होऊ द्या वायरल' या झी मराठीवरील विनोदी कलाकारांच्या उपस्थितीत बदलापूर महोत्सवाची सांगता होणार आहे. यावेळी महाराष्ट्र राज्याचे पर्यावरण मंत्री आदित्य ठाकरे आणि पालकमंत्री एकनाथ शिंदे देखील उपस्थित राहणार आहेत. बदलापूर पश्चिमेकडील उल्हास नदी जवळील चौपाटीवर या कार्यक्रमाचेआयोजन करण्यात आले असून या महोत्सवात राजकीय, सामाजिक, क्रिडा क्षेत्रात उल्लेखनीय कामगिरी बजावलेल्या देऊन गौरवण्यात देखील येणार आहे. या महोत्सवात खाद्यजत्रा देखील आयोजित करण्यात आली आहे. त्यात विविध खाद्यपदार्थां बरोबरच वस्तू देखील खरेदी करता येणार आहे. पाच दिवस चालणाऱ्या या महोत्सवात जत्रा देखील भरणार असल्याने या महोत्सवाचा आनंद घेण्यासाठी बदलापुरकर यांनी मोठ्या संख्येने उपस्थित राहण्याचे आवाहन आयोजक वामन म्हात्रे यांनी केले आहे. बदलापूर महोत्सवाच्या प्रत्येक पाण्यामधील लेझर आणि फायर शो हे या महोत्सवाचे यंदाचे खास आकर्षण ठरणार आहे. सिंगापूर मध्ये असलेल्या लेझर शो सारखाच हा शो असून बदलापूरकरांसाठी नेत्रदीपक फायर शोचे आयोजन केल्याचे वामन म्हात्रे यांनी सांगितले.