नागपूर महापालिका महिला व बालकल्याण समिती आणि समाजकल्याण विभागाच्या वतीने १९ ते २६ जानेवारीदरम्यान रेशीमबाग मैदानावर आयोजित महिला उद्योजिका मेळाव्याच्या दुसऱ्या दिवशी रंगलेल्या गझल मैफलने रिसकांना रिझविले. नागपूर शहरातील पाच कर्तृत्ववान महिलांचा सत्कार हे सोमवारच्या कार्यक्रमाचे वैशिष्ट्य ठरले.
मेळाव्याच्या दुसऱ्या दिवसाच्या कार्यक्रमाला प्रमुख अतिथी म्हणून जिल्हा समाजकल्याण अधिकारी सुकेशिनी तेलगोटे आणि ग्रीन झोनच्या संचालिका कीर्ती देशमुख उपस्थित होत्या. महिला व बालकल्याण समितीच्या सभापती संगीता गिऱ्हे, उपसभापती विशाखा मोहोड, सदस्य मनीषा अतकरे, नगरसेविका जयश्री वाडीभस्मे यांची मंचावर उपस्थिती होती.
